Ka
hawipa nih a van ka kuatmi address chung in a naihnak bik Thingangyun Townships ah kan kal.
Dawr zong a rak si lo; dumtual he inn thing pahmi a rak si. An inn dumphih ai
khar th
ipthep. An inn zong a lenglei in innka ai hrenh. An rak zaam maw si hnga
– address dik lomi dek thei hlah. Tlawmpal ah SIM Card a kawl ve mi a dang cio
in phu (4) an hong phan. Address kan ngahmi kha an rak ngah cio tinak si. Address dang ah kan kal.
Myanmar
Plaza a hnu lei lam zawn khin kan phan. Annih hi phone dawr a si nain dawr an rak
khar. Dawr leng ah “SIM Card a dih cang” tiah ca an rak taar. Dawr chung ahcun
minung an um ko nain dawr zong ong ngam ti hna hlah selaw a dawh. A dih cang an timi
zong hi a va si hnga maw; an address hi mi tampi sin a phak tik ah
an zuar ngam ti lo si kho, ti zong kan hei ruat.
Hi
address pahnihnak zong ahhin SIM Card cawk ah a rami phu (10) thiam hrawng kan i tong. Kan kal rih lonak a kalmi pawl
he thil sining kan hun i hal duahmah hna i, khoika hmanh ah cawk ding a rak um
ti lo. Okay, SIM Card cawk nakding lam a um ti lo. Ziah ti ahcun a zuartu zong an mawh lo -
cozah nih internet phih dih lio ah a zuartu nih ngei rih hmanh hna selaw an zuar
ngam ti cu zumh a si lo.
Duhlo
langhternak hmun lei tu ah kan kal - nizan i duhlo langhter ai thawknak Hledan ah. University Avenue lam lei in luh kan i tim sual i Palek pawl nih an rak
conghnak leikam a rak si ai. Cu pin ah Hledan traffic light kha an rak hmih
i, mibu tampi lak ah mawtaw in kianhnak a tha ti lo. Hlendan lamton in pe 200
ai hlatnak hrawng ah kan taang. Palek pawl nih lam cu an phit ngaingai rih
lo. Hmai kal awk a that ti lo caah Palek pawl umnak zawn in kan kir i Sule lei
tu ah kan i thawh than.
Pansodan
lampi ah mawtaw kan chiah i Merchant lampi lei in Sule duhlo langhtermi mibu sin
ahcun kan lut. Sule hi nizan cu mitlawm te lawng an rak si nain tuchun cu an rak
khat dih cang. Sianngakchia hruaimi phu, Labor pawl hruaimi pawl, NLD tanhtu
pawl hruaimi phu tiin an rak um hna. Merchant lam cung Myodaw Khanma hmai ah
khat lei le khat lei in Palek nih an rak congh cang.
Rangoon khuachung ah duhlo langhternak i ka voi khat telnak a si. Kum 2007 lio i, Kalay University sianghleirun kan kai lio, Saffron Revolution ah khan kan rak i tel bal cang caah ramkhel lei kong duhlo langhter hi cu ka voi hnihnak a si. A boruak cu ai dang ngai.
Milu tam deuh le miphunpi deuh (ti ko usih law) hrat cu bia le hla cu ngei hna
kaw. Au awk le sak awk i hmanmi dothlennak bia le hla hi an rak ngei cia dih – kan ram nih a temtuarnak
zong cu sau ve cang kaw.
Palek
pawl nih an rak khamnak thir-ri pawng tiang khi mibu cu an khat ko. Cun khat
lei ral, Sule Pagodan lei kam, ah khin kanmah umnak lei nak tam in an rak i bu thup
ve. Suimilam pakhat chung hrawng kan um nain Palek nih zeiti ti a um hraw lo.
SAC nih Internet an van kan dangh than. Mibu lak kan um cuahmah lio ahcun ka hawinu nih a van ka chawnh i, "internet ngah cang khah vun hmang chun hmanh" ti si. Ka phone ka van zoh cu Facebook ah notificiation zeimawzat a rak kai taktak. Asinain connection a chia tuk i thathi in ai hmang kho lo. Zanlei lawng ah tha tein hman awk a tha. Sumilam 30 chung an phih hnu ah an kan on piak than a si.
Zanlei ah thawng kan theihmi cu internet an phihmi kha NLD Hluttaw palai pawl nih Zoom in Hluttaw meeting anmahte in an rak tuah ruang ah a si e, ti si.