Internet an phih. Thingangyun Townships lei ah rianherh ka ngeih caah kai thawh. Ka kal nakding hmunhma kha ka fian tuk lo caah GPS in ka kawl. Internet a ngah ti lo. Keimah phone lawng hlahmaw si hnga tiah...
Kan zung director hi thawngthanh ai rep ngaimi si caah Phone message in Hledan lei thawngpang a kan thanhmi a hong lut.
“Hledan lei ah sandah an piah cang” ti si. Okay, duhlo langhtermi an um ruang ah internet an kan phih piakmi si lai, tiah ka hei ruahdamh colh.
Thingangyun ka um chung vialte cu kan director nih Hledan lei kong cu a vun kan thanh
thluahmah ko. Amah hi a hmun ummi cu si lo – a theih chin mi khi si. Suimilam
2:00pm ah ka rian kai lim i, thil sining zoh ah Hledan lei ah cun kai thawh. Mi
chawklet an um tuk lo caah ka rang ngai.
Zanlei
sang a si caah an rak tam tuk ti lo. Hlei cung (fly over) lei in kai kal sual fawn tik ah
a tang va tum awk a tha ti lo; hlei cung cun ka hei bih hna. Lam phit loin lamkam tu ah
khin an rak i bu hna. Hlei cung i ai bu mi pawl nih, kutzung thum thlir
pah in, "thaizing lei zong piah a si than lai caah rak chuak cio" tiah an sawm duahmah hna. Hleicung in a kalmi mawtaw paoh nih cun kut zungthum thlir
pah in thazaang pek cio a si.
CCPR
zung ah ka lan (Chin Center for Peace and Reconsiliation). Ka riantuan hawipa Chi Chi (Beizachhhi) a hong phan ve – zanlei 4:40
si cang. Tlangval theo kan ti cu biaruah a thawt cemnak hmun hi tikik umnak theo
si kaw CCPR zung pawng Rooftop bar ah kan kai.
Chi
Chi, Adam lei keimah lawng kan si. Zei ruang ah dah ralkap nih uknak an lak,
zeidah cang kho, mizapi duhlo langhtermi hi a tlamtling lai maw tbk pawl khi ka
hmuhning le kan theih tawk cio tloksabur in kan i ruah hna – rawltam zong
kan philh dih.
Suimilam 8:00pm – khengbel tum in duhlo langhter caan a phan. Meh einak fung a kan pekmi kha kan i lak cio i, hrai a tum na, innleng tlang a tum na kan si. Inncung san cu si kaw khuachung khi kau ngai cuanh khawh a si - khuachia tthawl thawng cu thurhung a um ko.
Kan pawngkam thu vemi pawl belte khuaruahhar ngai an si. Zeihmanh i
theihter lo pungsan khin an um. Nizan tihni kan thutnak tu ahkhan cun bar
chung i a thu mi dihlak nih tum cio a rak si. Hika thumi pawl vial hi ralkap uknak ai ziakmi ko an lo – mahte cu ka khuaruahharmi a
si. A hun tlai deuh cang i CCPR zung ah kan kir.
An zung ahcun Pahu (CNLD CEC) a rak um. CNLD pawl General Meeting an tuahnak kong zeimaw a kan chimh. CNLD
cathanh kha kan hun zai hnawh len ta. Kha statement kong ah an buai pahnak le amah [Pahu] nih a puhmi [CNLD chung ah] hruaitu an ummi kong a chim. Nain hika cun langhter awk a tha lo. CNLD cathanh kha
cu “thahnem kawl i paam chin ton" bak si ko. Anmah chung in cheukhat pawl belte nih cun SNLD le
kanmah lawng hi party ahcun statement a chuahmi kan si tiah an vai i uang ngai rih. ๐๐๐ Cakei...!
Aung
San Suu Kyi kong thawng dik lo a chuak. Suimilam 10:30 hrawng si lai; internet cu phit dih hna
kaw, kan phone kip ah “Aung San Suu Kyi an thlah” timi message a lut - number theih he theih lo he. A si kho
lo ti kan theih ko bu ah kan i zumh dedeng – kan lung cu ai awtawm.
Chi Chi thlah pah in lawi kan i thawh. Lung awtawm nawn cun thil sining va ngiathlai pah in tiah lam kip ah kan vai i chawk pah - Pyi Road in Innsein Road lei ah. Lam thluangthluan cu kut bengh le mawtaw horn tum in awngpuai an rak khan – thawng diklo ai zumhmi lawng te. Nain an i zumh ko bu ah lung aw-tawm deuh lawngte an rak si ko rua. Innsein lampi in Tamine lamton kan phak lai ah khin mawtaw khat tein mibu a phurmi taxi mawngtu pa nih mawtaw a mongh pah cun kanmah lei a vun hoi i, “ka u, a dik tak ko maw? - แกแို แျိแ်းแေแား” a hun kan hal. Kan nih thluahmah bu in “thei bak hlah” ka hei ti.
Hledan kan phak lai, San Yeik Ngein bustop ah mibu pa (20) hrawng an rak um i, lamcung ai chawkmi paoh kha “Aung Sang Suu Kyi kong kha thawngpang dik lo a si. Midang zong hei chim chin hna ulaw...” tiah an thanh thluahmah hna. Okay, kan ti i, ka hawipa cu ka thlah le ka lawi ve.