အာဆီယံနည်းအာဆီယံဟန်၏ အခြေခံအယူအဆ ပြင်ဆင်ပြောင်းလဲမှု ရှိနိုင်မည်လော (Has there been a paradigm shift in ASEAN Way?)

အရှေ့တောင်အာရှ နိုင်ငံပေါင်း (၁၀) နိုင်ငံဖြင့် စုဖွဲ့ထားသည့် အရှေ့တောင်အာရှ နိုင်ငံများအသင်း (ASEAN) သည် ကမ္ဘာ့အလယ်တွင် ပထဝီအနေအထားအရ နိုင်ငံတကာ ဆက်ဆံရေး၊ စီးပွားရေးနှင့် လုံခြုံရေးတို့အတွက် အချက် အချာကျသည့် ဒေသတွင်း အဖွဲ့အစည်းဖြစ်သည်။ အရှေ့အာရှ နိုင်ငံများ၊ အနောက်နိုင်ငံများနှင့် အင်အားကြီး နိုင်ငံများဖြစ်သည့် အိန္ဒိယ၊ တရုတ်၊ ရုရှား၊ ဥရောပသမဂ္ဂ(EU) တို့နှင့် အစုအဖွဲ့အလိုက်သော်လည်းကောင်း၊ နိုင်ငံ တစ်ခုချင်းစီ အလိုက်သော်လည်းကောင်း၊ ကဏ္ဍအမျိုးမျိုးဖြင့် ပူးပေါင်းဆောင်ရွက်လျက်ရှိသည်။ ထိုကဲ့သို့ ဘက်ပေါင်းစုံ အကျိုးစီးပွားအတွက် ချဉ်းကပ်ခံရသည့် ASEAN (‘အာဆီယံ’ ဟုသုံးနှုန်းသွားမည်) သည် ဒေသအတွင်း နိုင်ငံရေး ပဋိပက္ခနှင့် အဖွဲ့ဝင်နိုင်ငံတစ်နိုင်ငံတွင် နိုင်ငံရေးပြဿနာ ဖြစ်ပေါ်လာသည့်အခါ အခြားဒေသရှိ နိုင်ငံတကာ အသိုင်း အဝိုင်းက စိတ်ဝင်တစား စောင့်ကြည့်ခံလေ့ရှိသည်။ အဖွဲ့ဝင်နိုင်ငံများ၏ နိုင်ငံရေး ပြဿနာတွေမှာလည်း သံတမန်ရေး အရ ကြားဝင်စွက်ဖက်ခံရမှုများလည်းရှိခဲ့သည်။ လက်ရှိ မြန်မာနိုင်ငံတွင် စစ်အာဏာသိမ်းမှုကြောင့် ဖြစ်ပေါ်လျက် ရှိသည့် နိုင်ငံရေးပြဿနာ၊ ပြည်တွင်းစစ်တို့နဲ့ စပ်လျဉ်း၍လည်း နိုင်ငံတကာအသိုင်းအဝိုင်းက အာဆီယံ၏ အခန်းကဏ္ဍ ကို အလေးထားစောင့်ကြည့်လျက်ရှိပြီး သံတမန်ရေးအရ တွန်းအားပေးမှုများလည်း လုပ်လာကြသည်။

Sun Guoxiang, Sasakawa khual lam le Kawl ralkap diplomacy

Kawlram buainak ah aa thlak duh ngaimi Tuluk le Japan cu an palai nih Kawlram an tlawn lio a si. Japan palai cu Kawlram buaithan aa thawk (February) hnu in a voi khatnak a tlawn a si. Tuluk palai belte a voi hnihnak a tlawn a si.

An tlawnti mi belte si loin an khual lam aa ton sual bia a si. Hi hna pahnih hi Kawlram kong ah a biapi ngai mi an si caah an khualtlawnnak nih zeidah a chuahpi lai ti kha lunglut ngai a si.

𝗝𝗮𝗽𝗮𝗻 𝗽𝗮𝗹𝗮𝗶 𝗦𝗮𝘀𝗮𝗸𝗮𝘄𝗮

Japan nih a hmanmi palai (Japan Special Envoy to Myanmar) cu Yohei Sasakawa a si. Sasakawa Peace Foundation, le Nippon Foundation ah chairman pahnih a tlaih chih.

Zaw Min Tun Bia, mah le mah hlennak, le institutional propaganda

 “Kanmah khangh mi si lo, PDF khangh mi si”. Kawl ralkap biachimtu Zaw Min Tun bia nih hin anmah chung ah zeitluk in dah rawhralnak a um cang timi zeimawzat a hun kan hmuhsak. Anmah kutneh bak a si komi aa pheh maw si, asiloah amah hrim nih thil sining hngal taktak loin dah a chim?

Lih le lih in thawng an thanh tawnmi khi timh ciammam tein an thanh mi ti cu a dik ko. Nain kha lih kha khoika in dah aa thawk ti balte a um ve.

ASEAN Summit 28th-29th in zei biachuak dah a um?

 Day-1

Cambodian Prime Minister nih “Atutan ASEAN Summit ah Kawlram aiawhtu an i tel lomi cu ASEAN palh a si lo. Kan sawm ko mi hna an i tel duh lomi cu caantha an i lak duh lo a si” tiah ASEAN Summit a ni khatnak [tuchun] ah a chim.

“Kawl ralkap cu ASEAN he thathi in cooperate an tuah lo” tiah a hun mawhchiat pah chih hna, Myanmar Now nih an langhter.

ASEAN le Kawl ralkap karlak buainak san chin vima dawh - NUG caah caantha a um lai maw?

ASEAN Summit [meeting] cu tuchun thawk ding a si cang.

Hi Summit kai ding sawmnak ca cu Kawl ralkap sin a phan cang. Nain, kan hnu zarh ka tial cia bang Min Aung Hlaing kai ding in sawm a si lo. Kawl ralkap nih a control mi Foreign Ministry tang i Director General Chan Aye minbunh in [non-political representatives] an kan sawm, tiah Zaw Min Tun nih a fianter.

Zei ruang ah dah ASEAN nih Kawl ralkap a hnon

A ralai mi October 26-28 ah tuah ding mi ASEAN Summit ah "Min Aung Hlaing tu sawm loin Foreign Ministry in lutlai pakhat tu sawm a si lai” a ti tiah NHK (Japan thanh ca) nih a tial. Hi Summit ram hruaitu lu bik tonnak meeting a si i, April 2021 lio ah Min Aung Hlaing a va kaimi meeting phun kha a si.

𝗞𝗮𝘄𝗹𝗿𝗮𝗺 𝗰𝗮𝗮𝗵 𝗵𝗼𝗱𝗮𝗵 𝗯𝗶𝗮𝗽𝗶 - 𝗨𝗡, 𝗘𝗨, 𝗔𝗦𝗘𝗔𝗡 𝗹𝗲 𝗿𝗮𝗺 𝗱𝗮𝗻𝗴𝗱𝗮𝗻𝗴?

Tuzing cu thawngpang tha ngai pakhat kan hun thei than. Europe ram 27 i fonh in khuakhan lairelnak EU Parliament nih “NUG le CRPH kan dirpi” tiah a fek mi biachahnak an hun tuah.

Hihi Kawl ralkap caah zanmang chia pakhat bantuk a si. Ziah tiahcun, uknak kaa tlaih ve, ram ka uk ve ti tung i, ramleng pawl (international community) nih cohlan lo hi ningzak ngai a si. A zei poi lo bantuk in an i umter len lai nain a chunglei cun an rak celh lomi a si.

Biaknak lei kan hruaitu - Aiawhtu maw, mediator in dah?

Photo- Pu Ramkhar Facebook

Ram buaibai le poipang ton paoh ah a kan tawlreltu le kan i bochan mi cu caan tampi ah kan Pastor hna hi an si. A hlan lio Kawl ralkap uknak chan, Thantlang peng i Khin Maung Zi chan, NAZI le Hitler bang an rak kan sual hnawh lio te khan kan Pastor te hi a tem-ing bik an rak si. Chuih le bengh le hren tiang zong a tong mi an rak tampi.

Tutan kan ram buainak zong ah sa le ral lak i, a kan tawlreltu an hun si. Tlikzamnak kong zong ah zaran nih cun Khrihfabu member an tlik dih hlan cu tlik ve thiang lo ah kan ruah hna. Ralhrang kut in thi kho, tuar kho cio an si. Pakhat lebang a nunnak tiang kan sung cang.

Ruahnak aa khat maw - NUG, NLD, Mizapi le Aung San Suu Kyi?

NUG cozah le NLD karlak ah ruahnak aa then hlah maw, tiah nizan nai hrawng cu biasiphai tete a um. Media cheukhat zong nih biahalnak an hun tuah pah.

NUG nih PDF dirh in May 5, 2021 ah hriamtlaih [dothlennak] an thawk. September 7 ah “people defensive war” an thanh. Hihi Daw Aung San Suu Kyi a hnatla lo, tiah Kawl ralkap tanhtu pawl nih thawng diklo an chuahter. 

U Kyaw Moe Tun – A rianeph ding, High Level meeting ah biachim ve lo ding

 

Kum dang kel bang UN General Assembly hramthawknak ah an ngeih tawnmi High Level Week [Meeting] cu 21 Sept thawk khan an ngei cuahmah. 27 Sept tiang a si lai.

Hi meeting ah ramkip in hruaitu pawl nih biachimnak an ngei; high-level General Debate ti zong in an auh. September 27 i biachim ding cazin ah Kawlram cu aa tel ve.

Teinak – Kan dohmi ral le kan sunghmi theipar

Photo credit to original owner

“Democracy nan ti lengmangmi hi mah vialte minung thihnak he ai tlak ko maw? Ka pasal nih nunnak a pek mi hi a phu ko maw?” tiah March thla lio ah khan sandah piahnak ah an pa nih kum 2 nau-no te he a thihtak mi nu nih a tahbu in a nun sivanghnak a chim.

Tutan Hakha-Thantlang ah thisen chuah le sunghzatlak a hun tam deuh i kan aihram ning a fak hringhran ve. Kan mawh lo. Mirang ral hnu in Chin miphun nih ralkut a fak bik kan tuar hi atutan lawng a si.

Raltuk lawng hi maw a lam um? Zeidang thim ding um lo maw? tiah a lung aa aw-tawm tawk zong kan rak um len cang. Hi bantuk lung-awtawmnak le lungdonghnak hi dothlennak ahcun thazaang dernak a chuahpitu a si caah tei khawh kan i zuam a herh ngaingai.

UN thutnak kong ah NUG le Kawl ralkap raldohnak – Tuluk dirhmun, teinak le sunghnak kong

Tuluk le US karlak ah Kawlram UN thutnak kong he pehtlai in hnatlaknak an ngeicia tiah US hrambunh Foreign Policy nih nizah tih ni September 13, 2021 ah a tial. Zapi cu kan hun lau cio. A zum huaha lomi zong an um.

Nain nai hrawnghrang ah Tuluk hi Kawlram a pehtlaih ning a hun thlen ngai tikah thil si kho ngaimi a si ko. Tuluk le US karlak ah zei set dah hnatlaknak a um, ti kan zoh lai.

𝗞𝗮𝘄𝗹𝗿𝗮𝗺 𝗺𝗮𝗽 𝗮𝗶 𝗰𝗵𝗲𝘂 𝗹𝗮𝗶 𝗺𝗮𝘄?

Atu hnu kum 2 ahcun Kawlram map hi ai thleng kho tiah ramkhel lei a cuantu pawl nih an thinphannak an chim pah len cang. Hei si tak selaw zeitin dah kan i then lai?

AA khi aho he hmanh i bawm loin Rakhine ram pennak lak ai timmi a si. Atu dirhmun ahcun ‘Federal ramkomh’ cu an ruahnak pelte zong ah a um lo. Confederation tiang lawng maw an kal lai Independence tiang lawlaw dah, ti tu khi hun ruah deuh a si cang.

Tun Myat Naing, a chim tawn ning ahcun Confederation tiang khi a si. Nain Kawl ralkap thazaang a der vima ahcun Independence tiang kal thai a fawi. AA hmanh Independent declare tuah kho a si ahcun UWSA uk mi Wa state caah a fawi tuk ve lai. Cu bantuk a um ahcun hmun dang zong ah a hun luang vima kho.

NCA a thi cang maw?

Nizan nai August 2, 2021 ah KNU Concerned Group nih statement a chuah i, "NCA hi a rawk cang tiah kan ruah" an ti. CNF Vice Chairman Dr. Lian Sakhong zong nih "NCA cu ramkhel rilipi tuanbia ah a pil cang mi tilawng bantuk a si" tiah June 6, 2021 ah a rak chim bal ve.

Khat lei ah, NCA minthu mi hriamtlai phu dang pawl belte an ruah ning ai dang ngai. A rawk cang tiah phung ning in a thanh mi ngaingai an um rih lo. Nain anmah karlak lila ah NCA cung i an hmuh ning a hun i dang cio cang.

Nationwide Ceasefire Agreement (NCA) a rawk cang, a timi pawl nih zeidah an i tlaih? A rawk rih lo, a timi pawl nih teh zeidah an i tlaih? NCA a rawk le rawk lo tahfung ah zeidah a si timi kan hun zoh lai.

COVAX cu zeidah a si?

Vawlei cung ram dihlak le miphun dihlak nih tlukceo tein Covid-19 i khamnak sii [vaccines] kan i chunh cio khawh nakding ah Program an tawlrel mi a si. 

Phun dang chim ahcun ram rum pawl nih ram siifak deuh pawl kan ngandamnak caah a kan siaherhnak program a si. Bawmh mi lak ah Kawlram zong kan i tel ve. 

WHO nih a tuanchuahmi Covid-19 rai dohnak “Access to Covid-19 Tools” program i a tungtlang pakhat a si. 

Sii min si loin program min a si. India nih vaccines an chuahmi Covaxin he khin a min an palh sual tawn, pehtlaihnak an ngei lo.

Kawlram Vaccines Black Market - A luhning, a man, a tak le a deu

July [2021] thla dih lai hrawng thawk in India nih chuahmi Covishield le Covaxin cu Kawlram ah man tam taktak in black market ah an zuar i, atu tiang an i chun cuahmah.

Ai thawkka hi ram pumpi ah Covid-19 thirdwave in kan tuar i mi tampi zong an thih lio a si caah Ks. 400,000 hna in an i chun. Zawtnak a hun zor deuh. Khat lei in Kawl ralkap tawlrelmi Tuluk sii chunh ding hna a hun tam deuh caah duhsah in a man a tla in atu ahcun voi khat chunh ah Ks. 75,000 mang zong a um cang.

Cuanhning - KIO/KIA nih Dialogue an duh taktak maw?

August 24, 2021 ah KIO Central Committee nih anmah Kachin holh (Jingphaw) in cathanh an chuah. An cathanh ah point pa (5) ai tel.

A biapi bikmi le mizapi nih hun buaipi ngai mi cu "biaruahnak (dialogue) a um awk a si" an timi hi a si. KIO chimnak nawlngeitu Col. Naw Bu nih "biaruah awk kan timi phu ah khin Kawl ralkap zong an i tel ko. NUG zong an i tel ko" a ti.

Political Assassination - Kawlram ah ramkhel lei hruaitu thah-nawn-nak

Naite ah Kawlram aiawh UN palai U Kyaw Moe Tun cu thah an timhnak kong thawngpang a thang. Thah a timtu pahnih zong US palek nih an tlaih hna. Hi thah timhnak phen ahhin Kawl ralkap an i tel ko tiah zumh cio a si.

Kawl ralkap cozah nih an huat mi hna le an caah ral ah an ruahmi hna thah ding khuakhannak hi cuhlan zong ah an rak um tawnmi a si. Bogyoke Aun San lila zong kha timh ciammam te thah-nawn-nak in a rak thi kha mu. Kum 1962 hnu in tuanbia ah a langsaar deuhmi thahnak le thahtimhnak pawl kan hun zoh lai.

Messi - a lahkhah, a angki man, Barcelona sunghnak le PSG miak ding

Vawlei cung ah pumpululh chuih thiam bik (cheukhat caah) le pumpululh chuihtu vialte lak ah lahkhah sang bik Lionel Messi nih kum 17 chung a rak umnak Barcelona cu lung siaherh taktak in a chuahtak cang.

"Nikum ahcun chuah ka rak duh ko nain tukum cu ka chuak lai lo, tiah ka chungkhar he biachahnak fekte in kan tuah mi a si" tiah a donghnak Barcelona chungkhar hmai media he tonbiaruahnak ah a mithli he a chim.

Tuluk sii, Kawl ralkap tawlrelmi - Kan i chun lai maw, kan i thloh lai dah?

Kawlram ah sii a phan cang mi

Tuluk nih Kawl ralkap sin ah vaccines a kuat mi hi sing 45 [dur 4,500,000] a si cang. Sing 25 hi Sinopharm a si i, man loin a pek. A dang sing 20 hi Sinovac a si i, Kawl ralkap nih a cawk mi a si (Chinese Embassy-Myanmar, August 8).
 
India ralkap nih February 11 ah vaccines sing 2 [dur 200,000] Kawl ralkap a bawmh hna tiah Irrawaddy (August 12) nih a tial. NLD cozah nih (ralkap uknak lak deuh hlan) khan sing 15 bawmhnak an rak cohlan cang. Russia zong nih Kawl ralkap 900 a pek hna. Sing 20 bawmh chap ding in hnatlaknak an ngei cia cang (Reuters, July 9).

Afghanistan ah US Mission – Bush, Obama, Trump, Biden le Afghan cozah nehnang

Biadomhnak
Afghan khualipi Kabul cu Taliban nih a lak. Afghan President a zam – an cozah a rawk. Taliban nih cozah thar dirh ding an tawlrel cuahmah. Taliban a duh lomi Afghan mipi an aihram. 

Trump telh in Republican pawl an puak – Biden an mawhchiat. Biden nih “Ka biachahnak cung ah fek tein ka dir lai” a ti ve.
 
Zei paoh va si ko seh - khirh awk a tha ti lo. US nih Taliban tuk zong a tim ti lo. Afghanistan in US ralkap, US rammi le an ram ca riantuan mi paoh chanhchuah ding in Biden cozah nih an pehzulh cuahmah.

Northern Alliance - An i thawk ning, an hmuitinh le an thazaang

Biadomhnak
Northern Alliance (NA) nih nizan May 5 ah Kawl ralkap 30 lengkai an thah hna pin ah an hriamhrei zong tam lak te an lak piak hna. 
 
Khet Thit media nihcun nizan i kahnak ah KIA (Kachin) an i tel a ti. Mizzima belte nih cun KIA an telh chih lo, MNDAA (Kokang) le TNLA (Ta’ang) lawng in a langhter. Irrawaddy nih cun Kawl ralkap nih KIA a kah ruang ah NA chungtel nih KIA an bawmh mi si a ti. 
 
NA nih hin hnu April 10 ah khan Lashio khua pawng ummi Naungmon palek sakhan zong an rak kah i, Palek (14) an thah hna. Hi lio ahhin AA (Arakan), MNDAA le TNLA phu thum an rak si.

Federal Army a chuak taktak lai maw?

Kawlralkap duhlo lamzawhnak cu meithal kuan hmang in a kan kham. Thisen tam deuh a hun luan hnu in lamzawhtu mizapi lei nih i tuar khawh cio a si lo. Cu lio ah CRPH nih mah le mah i vennak nawl nan ngei, tiah a um cia mi upadi hmang in a hun kan forh. Mah hnu in mizapi lei zong nih hruhru hranghrang (violence) deuh in ralkap uknak cu hun doh a si.

Tlawmpal ah Federal Army kan ser lai, tiah CRPH lei upa cheukhat nih an phuan. A rauh hlan ah a chuak lai an kan ti chel. A herh mi timhlamhnak kan ngei dih cang an chel. UN Special Envoy ah riankhinh mi Dr. Sa Sa te tiang nih a hun i hrocer.

ASEAN Way cu zeidah a si

Nizan 24 April, ASEAN hruaitu pawl cu Kawlram kong ceih ruah bak ah an i tong. Min Aung Hlaing (MAH) zong amah pumpak bak in a va kai ve. Kawlram kong cu an ceih hnawh. ASEAN hruaitu pawl le MAH karlak ah hnatlaknak (consensus) pa (5) an ser khawh.
 
1. Aho paoh nih hruhru hranghrang (violence) tuahsernak vialte ngol ding
2. Dai tein buainak a dih khawh naklai a that nak in biaruahnak tuah ding
3. ASEAN Secretary-General bawmhnak in ASEAN Chair a aiawhtu palai nih lamkaltu tuan piak ding
4. ASEAN nih Coordinating Center for Humanitarian Assistance [AHA Center] hmang in hartong mi hna bawmhnak pek ding.
5. Kawlram caah thlah ding mi ASEAN palai (Special Envoy) cu Kawlram ah luhter in a herh mi phu he paoh i ton ding.

Phu tampi ser le Kawl ralkap saduhthah

Biadomhnak
Kawlram cu Independence kan hmuh cangka in hriamtlai phu chuahhram aa thawk colh. Parliament democracy kan hman chung (1984-1962) ah Communist phu le Karen, Mon, Kachin tbk hriamtlai a chuak.
 
1962 kum ah Ne Win nih uknak a lak hnu in hriamtlai an karh. Shan an tho, Karenni an tho, Chin kan tho, Arakan an tho. Miphun tling in hriam an tlai cang _ miphun teng-nge zeimawzat zong an tho. Nain 1988 tiang ah Kawl ralkap nih buaipi awktlak in a thawng khomi cu Communist, Karen, Kachin le Shan lawng an si.

NUG nih CDM a khamh kho lai maw?

Biadomhnak
Federal Army le R2P hei ti hrawng khi thal tireu hngah in kan hngahnak ah CDM kong zong kan ruat tuk ti rua hna lo. Kawl ralkap nih fak tuk in a hun kan den i violence phun deuh in kan hun i mer ruang zong ah si kho.
 
A taktak ahcun ruahchannak a rak kan pe hmasa bikmi kha CDM a si. Atu tiang zong thi loin a thawng peng rihmi hi CDM a si. Atu hnu zong ah hmual a ngei bik rih dingmi cu CDM a si. Federal Army cu a chuak ve te ko lai nain CDM he an thil ti khawh nak aa dang lai caah kan daithlanh hrimhrim lo a hau.

NUG ah mizei dah an i tel?

National Unity Government (NUG) cu NLD ti cawh lo CRPH nih an sermi National Unity Consultative Council (NUCC) nih an van chuahpi cozah a si. CRPH cu NLD ti cawhlo kan ti nain NUCC tu cu party dang le phu dang zong an i tel ko rua- min cazin an langhter lo caah theih dih khawh a si rih lo.
 
NUG nih a huapmi a hun kau ngai. Miphun an i cawh; Shan le Arakan dahlo cu an tling ti khawh a si. Kum upa kum no an i cawh, biaknak an i cawh, nu an hun tam. Politician, activist le scholar an i cawh rih. Atu tiang theih tawk ah party dang le party a si lomi phu dang an um pah len. Tlangcung party ngan deuh a simi SNLD, ANP, KSPP, CNLD tbk pawl belte an i tel rih lo.

CRPH Charter le federal ruahchannak

March 31 zantim ah CHPH nih Federal Democracy Charter (FDC) a thanh. Charter cu then hnih in an then. A then khatnak cu Federal Democracy ram ser tik ah i hmaithlak dingmi principle pawl deuh an si. A then hnihnak tu cu Interim-National Unity Government (NUG) nih ralkap uknak kan tei hlan tiang a hman dingmi caankarlak phunghram phun a si. Kawl ralkap nih an rak tialmi 2008 Phunghrampi kha CRPH nih kan hrawh cang tiah an hun thanh caah atu bantuk in caan karlak caah lakhruak in phunghram thar an hun sern  hi a si.

Kawlram buainak le tlangcung hriamtlai - NCA a rawk lai maw; Kawl ralkap a rawk lai maw?

Photo-Irrawaddy

Biadomhnak

Ralkap uknak duhlo langhternak cu mizapi lei nih Civil Disobedience Movement (CDM) in February 4, 2021 in an thawk. Hi hlan deuh February 3 zan ah thirpung le khengbel tumnak in an thawk cang. Red ribbon, kutzung thum thlir tbk tuk zong in duhlo langhter a si. February 6 ni ah Rangoon in lamzawh an thawk i, February 7 ahcun Kawlram pumpi ah a karh dih manh. February 8 zan ah Pohmah 144 an thanh.

Myanmar spring diary (Day12) - Duhnung lo thawngpang lawngte

Photo - RFA

NCA-S EAO caah Issue brief tial ding ka si caah lengchuak loin Online tu in thawngpang ka dawi pah. Atu lio cu thawngpang thar a tam tuk tikah dawi cawk zong a si lo. A biapi deuh tiah ka ruahmi tete kan hun langhter hna.

Ramdang pawl sin mithmai tha hmuhnak sawhsawh ah ai thlahtermi si tiah a ruatmi an um. (2) Cheukhat ruahnak ah thongtla pawl hi chuahter i ramchung ah sualnak karhter i, mipi le mipi karlak ah buainak chuahter; ralkap uknak timi hi philhter ai tim timi, (3) SAC a dohmi tampi in tlaih a duh hna caah thonginn a lawnter bia si, tiah a ruat tawk zong an um.

Myanmar spring diary (Day11) – Federal muisam in lamzawhnak

Zing thawh phak in big news pahnih hmuh a si hoi. US President Joe Biden nih Kawlram kong lawng bak ah a dang tein bia a chim. "Kawl ralkap hruaitu pawl le an chungkhar sahlawh pawl caah sipuazi phih kharnak le dantatnak ka thanh. Asinain mizapi caah ngandamnak lei le dengteo in bawmhchanhnak an hmuh khawh nakding tu cu kan peh rih ko lai" a ti. Thawngpang tha ngai cu a si.

Myanmar spring diary (Day10) – Ruahchannak muithlam

Voidang kel bang kai thanghka in ka thawh hlan ah Facebook ka kau. Nizan ah Naypyidaw in an kahmi Mya Thwe Twe Aung cu a dirhmun tha ti lo, ti si. Kum 19 tleirawl nute thawngpang le a kaptu Palek pa huatnak kong catar le hmanthlak deuh lawngte in a khat. Ngeihchia cu a si ko. Hmailei caah ruahchannak tam tuk a ngei dingmi mino te zei sualnak zong ngei loin va kah ko cu a thlarau sia tal khi zeitin dek a rem hnga mu. 

Myanmar spring diary (Day9) – Vaihvuanh le lung silo

Tuzung cu ruahnak ai phundang deuh. USDP nih ralkap dirkamhnak tuah ding ah phaisa phalh in mi an fial hna timi video ka thawhka in ka zoh. Pohmah 144 zong an thanh cang, Hlendan le Sule lei cu ralkap an khat dihcia cang, ti hna biachokvai a chuak. Zei ko dah cang te hnga ti ruahnak he kal cu kai tim rih ko. Tuchun cu Chin pawl hmun khat te ah i ton khawm i, tlangcungmi dang pawl he lamzawhti ding tiah zahan ah khan sawmcia kan si caah lung a tho khun.

Myanmar spring diary (Day8) – Ruakthlah tlolh hnu ah lamzawh

Tuchun hi khoika lei deuh ah hme ka kal lai tiah kai ruah cuahmah lio ah Kalaymyo ka hawipa Pa Bawi (Za Bawi Thawng) sin in phone a ra. “Saya Cung fapa kha Bahosi siizung ah atu nai bak kha a cat. Kalaymyo ah a ruak van tlunpi ding si i, mithi phurhnak mawtaw zeiti tal in na kan khanpi kho hnga maw” ti si.

Rangoon lei mawtaw hlannak hi kei ka theih tuk lo caah U Thawng (Saya TT tiah theihmi NC Thawng Tha Thang) sin ah ka va kal colh. An room ka phanh ah mithi pa a pa Rev. Cung Hup (Kalaymoy Salem Baptist Church pastor) nih a rak chawnh manh ve cang.

Myanmar spring diary (Day7) – SIM Card revolution

Internet a kan phihnak suimilam 24 chung si cang. Zahan ah khan Rangoon khuachung ah Thailand SIM Card an zuar ti ka theihmi caah a cawk khawh nakding address ka hlat i, ka hawipa nih hmun (6) an hun ka kuat. Leklak kan i timtuah i, U Thawng (Saya TT tiah theihmi NC Thawng Tha Thang) he SIM Card ramvaih ahcun kan i thawh. Internet phih bu in ramleng SIM Card hman ahcun roaming pack in internet hman khawh a si. 

Myanmar spring diary (Day6) – Lamzawh an thawk

Hledan lei hrawng ah lamzawh an i tim timi thawngpang a chuak pah. Zingka sml. 8:00 tiang cu Facebook ka kau i zeihmanh a um hraw rih lo.

Internet an phih. Thingangyun Townships lei ah rianherh ka ngeih caah kai thawh. Ka kal nakding hmunhma kha ka fian tuk lo caah GPS in ka kawl. Internet a ngah ti lo. Keimah phone lawng hlahmaw si hnga tiah... 

Acknowledgements for my publication “India’s Geo-strategic Kaladan Mission in Western Burma”

First and foremost, I would like to praise the living God for all the blessings bestowed on me for having this privilege to study. I would like to thank my mother and family who prayed during my time in Chiang Mai and my fieldwork.