Aung San Suu Kyi- A rian le a nawlngeihnak

Biahmaisa

Kum 2015 thimnak ah NLD nih teinak an hun hmuh bak in mizapi thinlung ah biahalnak a um colhmi le kan i ceihsup ciomi cu Aung San Suu Kyi nih zei rian dah aa khinh hnga timi hi a rak si. National League for Democracy (NLD) ah an lu bik a sinak lawng si loin a party minung pawl cu a hip khawh tuk hna caah phunghram nih a kham lonak zawn paoh cu amah duhmi rian aa khinh kho dirhmun ah a um.

An Tian Riangmang; Brangelina

Vawlei cung lemcang thiam minthang le Hollywood lemcang thiam lak zong ah mi langsaar bik hna nuva Angelina Jolie le Brad Pitt cu an nu a lungdongh caah an i then ruangmang cang. Hi hna pahnih hi kum 2005 khan a rak i duh cangmi an si i, kum 9 chung an i duh hnu August 23, 2014 ah an i thi-um.

MNHR Mual A Photertu Nu Ngakchia Pahnih Buainak kong

Biadomhnak

Kan hnu September thla chung ah Kawlram pumpi a hnin dihtu le thawngpang lak ah a linsa bikmi cu Yangon khualipi ah a cangmi Inwa Thilthitnak dawr ngeitu chungkhar nih an sin-um nu ngakchia pahnih an serhsat hna ruang ah a chuakmi buainak kong hi a si. Hi thawngpang nih Kawlram chung lawng si loin ramdang tiang zong a vung phanh tik ah a tuanvo a lim lomi Kawlram Nuhrin Covo Bu (Myanmar National Human Rights Commission-MNHRC) cu fak lak in an mual a pho, an rian tiang an chuahtak phah. Hi kong ah Yangon palek pawl zong mi tampi nih an mawhchiat hna.

A Tluang Kho Rih Lomi Remdaihnak Lamtluan

Biadomhnak

Kawlram mizapi nih kan cohlan i kan rak i hngahhlangmi le vawlei cungpi tiang zong nih an lawmhpimi a voi khatnak Ramkomh Daihnak Conference - Kum Zabu (21) Panglong cu August 31 - September 3 tiang ni li chung Naypyidaw MICC hall ah hlunghlai taktak in an tuah. Hi conference ahhin NSCN timi Naga hriamtlai phu dah ti lo an sawmmi hriamtlai phu 17 ning in an kai. Ralkap he hnatlaknak an tuah khawh lo ruang ah sawm lomi phu thum [AA, TNLA le MNDAA] an um. Kum Zabu (21) Panglong timi cu voi tampi tuah dingmi a si caah tutan cu a voi khatnak a si i, puai hunnak bantuk zong a si. Biaceih khuakhannak ngaingai ngei loin a rak kaimi phu kip nih an duhmi cio le ram caah minute 10 cio an saduhthah chimnak in caan a hman. A karlak ah harsatnak hme tete cu a um nain conference a tawlreltu hna nih tutan cu kan tlamtling ko tiah an thanh.

Remdaihnak Conference Caah Phu An Sermi A Dotdot

NLD cozah nih remdaihnak lamtluan cu a hlan cozah nih an rak kalpimi rampi huap kahdaih hnatlaknak (NCA) ning in kan kal ko lai an ti bantuk in remdaihnak kong ceihmainak tuah tik i a tlamtlin nakding ah cozah hlun nih an rak sermi phu cung ah minung thlennawnnak le a cheukhat min thlennak an tuah. Cun committee an ser tharmi tete zong an um. A tanglei ahhin a biapi deuhmi pawl kan hun langhter;

Dr. Lian Hmung Sakhong le Chin Digest biaruahnak

- Biaruahtu - June Nilian Sang

- Biaruah Ni - July 30, 2016

- Biaruahnak Hmun - Mai Ja Yang (Kachin)

Dr. Lian Hmung Sakhong cu Thantlang peng Aibur khuami a si i, Sweden ram ah a nupi Run Pen Sakhong le an fale pahnih tiin khua an sa. Sweden ram ah khuasa an si nain ram le miphun zawnruahnak he Kawlram ramkhel innkhar aa hun thawk in a caan tam deuh cu ramchung [Kawlram] lei deuh ah a hmang. Atu lio Kawlram ramkhel ahcun mi langsaar le mizapi nih tihzahmi pakhat a si. A kal cuahmah remdaihnak lamtluan kong le a ralaimi Ramkomh Daihnak Conference - Kum Zabu (21) Panglong kong he pehtlai in tonbiaruahnak kan hun ngaih...>>>

Suu Kyi Panglong le Hmailei Daihnak Lamtluan

Aung San Suu Kyi nih a hruaimi NLD nih hin kum 2015 thimnak hlan ah siseh, teinak an hmuh hnu cozah an dirh hlan siseh, cozah an hun dirh hnu zong in an chim hmasa lengmangmi cu ‘rammi hna i remthannak le ramdaihnak hi biatakte in kan kalpi lai’ timi hi a si. President U Htin Kyaw nih March 30, 2016 ah rammi sin i a hmasa bik bia a chim lio ah kum 5 chung i rian a tuan dingmi kong a chimmi ah remdaihnak kong hi a hmasa bik ah a telh, cu hnu ah Aung San Suu kyi zong nih cozah dirh hnu in a hmasa bik bia a chimmi ah rampi daihnak hi a si khawh chung in kan i zuam lai tiah a chim ve. 

Pu Henry Van Thio Konglam Tawi

Vice President Pu Henry Van Thio cu 1958 August 9 ni ah Chin ramkulh Thantlang peng Tikir khua ah a chuak, Pu Lian Tlung le Pi Ngun Par hna nih fapa pathum le fanu panga [an dihlak pariat] an ngeihmi hna lak ah anmah [Pu Van Thio] hi a paruknak fapa a si. 

1972 kum ah khan Tedim khuapi in taang sarih a rak awng. Mah dih cun Hakha ah an i thial i, taang (10) tiang a kai. Kum 1976 kum ah taang (10) cu a awng. 

Chin Mipi Sin Ah A Voi Khatnak Vice President Henry Van Thio Biachimmi

“Atu bantuk in a sunglawi tukmi conglawmhnak puai ah a hong chuak khomi NLD lutlai Uncle Pu Tin Oo, Yangon Ramthen Chief Minister Pu Phyo Min Thein, Yangon ramthen Mayor le upat awk a tlakmi Chin miphun hawi le unau vialte hna, dam le lawm in hi ni le caan hi nan phan cio hna lai ti zumhnak he nan kut kan tlaih hna. Hi conglawmhnak puai ahhin kan President [Pu Htin Kyaw] le State Counsellor [Daw Aung San Suu Kyi] hna zong nih rat an duh ve ko nain an rian ruang ah an rat khawh lonak a si i, lam hla in an rak kan dirkamh ko timi hi nan sin ah chim ka duh.

Tangka Tampi He A Tlaumi Kabia-Bawih-Hmu le Kawl Hlasak Thiam Pawl

Hlasak thiam Kabia Bawih Hmu nih a hawile hlasak thiam cheukhat pawl tangka sing tampi a hlen hna i, a tlautak hna nak kong hi atu lio Kawlram thawngpang laar bik ah aa tel.

Hlasak thiam Kabia Bawih Hmu nih hin amah he aa naihniami hlasak thiam hna le amah chungkhat pawl cheukhat minung 19 sin in tangka singthong (11) renglo cu sipuazi tuahnak ah a cawi hna i, a ngeitu sin ah pe ti loin a vaihvuanh. Mah chung ahcun Lai hlasak thiam Sung Tin Par tangka zong sing 1300 aa tel ve.

A Dong Kho Rih Lomi Sunhlawihnak He Vice President

Yangon Chinmi Dihlak Nih Conglawmhnak:

        Kawlram tuanbia ah Chinmi nih Vice President kan tuan hmasa bikmi, Kawlram tuanbia ah Khrifami chung in Vice President an hun chuah hmasa bikmi le Chinmi tuanbia ah rian sang bik a tlai khotu a si ruang ah Pu Henry Van Thio kan lawmhpinak hi tuchun ni tiang a dong kho rih lo. Amah [Pu Van Thio] conglawmhnak cu hmun kip in an rak tuah; Laitlang lei ah amah he aa pehtlaimi pengtlang lei khua pawl nih an tuah hlei ah US um Laimi tiang nih conglawmhnak le thlacam piaknak cu anmah tel loin an rak tuah cio. Cu vialte nakin a hun hlunghlai khunmi cu amah [Pu Van Thio] telpinak in Yangon ah an tuahmi conglawmh thlacampiaknak puai hi a si. 

Salai Bawi Lian Mang Asiloah Thlennak Phurtu Pasaltha

Salai Bawi Lian Mang cu 1995 kum CHRO tiah a tawinak in theihmi Chin Human Rights Organization [Chin Nuhrin Covo Bu] a rak dirhtu a si i, atu lio ah Executive Director rian in CHRO a hruai cuahmah lio a si. 

Thantlang peng aiawh in CNF Supreme Council member zong ah aa tel. US ram California khualipi ah a nupi Pi Za Par le an fanu Bawi Chin Tial, kum 9, he khua an sa. A rian ruang ah kum 2013 hnu in a caan zatceo cu Kawlram ah a hmang.

Trojan Horse Le Laimi Kan Ral

Biadomhnak:

Atu lio US thimnak ah teitu Donald Trump nih thimnak an i cuh lio ah khan “Trojan Horse” tiah a chim tawn. Trump a uartu pawl nih cun a biachimmi tampi an ngaih lai caah an theih khun lai. US ram ah phungning loin a peemlutmi pawl khi “Trojan Horse” an si tiah tahchunhnak a pekmi a si.

(18+ Lenhloi) - Dawtnak pheikalh

[~ Kum 18 na tlin lo ahcun hi ca hi rel hlah]

Iangmi he kan i duhnak kum thum chung a lut cang. 

I thit-umh ding hi kan i chimceih pah tawn nain amah zong a ralchia rih, ‘aw…’ a ti taktak kho lo. Keimah leikap zong ka dirhmun kai zoh tik ah kai ready taktak ve rih lo. Asinain nai hrawnghrang hi an innpa pa engineer a kai liomi nih kan i duh ti a hngalh ko bu in a helh pah ti ka theih i, ka thinphan lung in thit taktak ding in biachahnak ka tuah lawlaw.

Ngeihchiah Kong Ah A Dirhmun Aa Tlengmi NLD

Bia Hmaisa

Ramkhel ahhin a dirhmun a fekmi an um i, a fek lomi zong an rak um. Party pakhat in party dang ah i thial hna a hmang an um i, atu policy aa tlaihmi kha caan tlawmpal a rauh hnu ah aa ralchan ngaimi policy i tlaih than tibantuk a hmangmi zong an rak um ve. Dodaltu (opposition) an si lio ahcun mipi uar zawng phun in bia an chim, an tuan tawn.

Thlennak

Kan zatlang bia ah kan chim lengmangmi cu “sifak nih rum an duh, mirum nih rum chin an duh” ti a si. Vawlei mi vialte nih atu a dirhmun nak in hmailei ah dirhmun sang deuh va phak khawh khi kan duh dih. Phun dang chim ahcun, minung nih hin thlennak kan duh dih tinak a si. Thlennak timi zawn ah tumchuk lei siloin huncho lei khi kan duhmi a si fawn.

Thet Mon Myint Nih ‘Kiss’ Duh Lo Ruang Ah Academy Caan Tha A Sunghnak Kong

Nizan naite ah Kawlram pumpi huap in lemcang thiam pawl academy laksawng peknak puai an tuahmi kha nan hun theih theo lai. Mah kha Kawlram yuhsin vawlei ahcun laksawng lianngan bik a si i, lemcang thiam poh nih cun ngah an duhmi laksawng a si. Tukum kha 2014 le 2015 kum hnih caah an pekmi a si. Kum hnih ca pek cu si kaw, laksawng lami an tam ngai. Mah chung ah cun Kawlram mizapi nih uar bikmi ah aa telmi Chin lengdawh Thet Mon Myint balte cu laksawng a la lo.

Tutan puai ah hin laksawng a lak lo lawng si loin kum dang bantuk laksawng la ding ah an zumh bikmi cazin ah aa tel lo ti khawh a si. Mihrut bantuk in lem a cannak zatka ah ngah ding bantuk in zumh a si nain ruahnak tluk in a laar lo. Kawlram ahhin kum khat i yuhsin zatka a chuakmi hi a tam tuk lem lo. Mah tik ah hi bantuk academy laksawng pek lai poh ahhin cun zei zatka chung in dah laksawng an co lai i, aho dah laksawng a co lai timi hi a tlawm lei ah za ah sawmnga (50%) cu chimcia khawh ding in a um tawn.

Pu Htin Kyaw Cu Hodah Si?

President Pu Htin Kyaw cu April 1, 2016 thawk in khan Kawlram tuanbia ah a voi 9nak Kawlram president a hong si. Cu hlan Kawlram tuanbia ah President a rak tuan balmi minung 8 hna lak ah hin pa (7) cu ralkap hlun lawngte an rak si. A voi hnihnak Kawlram President Dr. Ba U (kum 1952-1957) kha ralkap hlun a si lomi President a rak si i, Pu Htin Kyaw lawng hi Dr. Ba U dih in a voi hnihnak ralkap a si lomi President a si.

Kan Sunhlawihmi Kan Vice President

2016 March 10 ni cu Kawlram mizapi nih aho dah President a si lai tiah kan lung a tur bik ni a si. Kha ni kha Amyotha Hluttaw le Pyithu Hluttaw a dang tein tonpumhnak an ngei i, anmah le Hluttaw cio ah President aa cuh dingmi min cazin an chuahpi ni a si. Hluttaw pahnih tonpumhnak an tuah cuahmah liomi cu  cozah TV nih an langhter pin ah internet zong in vawlei cungpi zoh khawh ding in an langhter chih.

Chief Minister Salai Lian Luai Kong Tawi

Chin ramkulh Chief Minister Salai Lian Luai cu Falam peng Airebual khua ah a chuakmi a si. Yangon University ah upadi in degree (upadi boih) a ngah. Cun biaknak lei degree pakhat a simi Bachelor of Relious in Education (BRE) zong a ngah.

Atu lio ah Chinmi nih kan hman ngaimi ‘Salai’ le ‘Mai’ kong ah Yangon University an rak kai lio ah Salai Lian Luai hi a rak tang ngai vemi a si. ‘Salai’ ‘Mai’ cu tleicia Salai Tin Maung Oo nih Chin aa timi poh nih hman ding tiah a rak chuahpimi a si i, hi kong ah Salai Lian Luai cu Salai Ram Ling Hmung le Salai Kip Kho Lian te pawl he biatak tein a rak cawlcang vemi an si.

NLD Cozah Le Cepa Pohmah

Kum 2015 thimnak ah Kawlram pumpi huap in teinak a cotu NLD nih an i ruahchanning bantuk in cozah an hun dirh khawh taktak cang. Cozah an tlaih ni April 1 thawk in tuchun ni tiang an riantuanmi zong tampi hmuh khawh a si cang. Mah vial an riantuanmi chung ah a tam-u nih cun mizapi lung a ton i, thil zeimaw zawn balte ahcun an hun mawhchiat ngai hna. Mahti mi zeimaw nih NLD khuakhanning an lungtlin lonak zawn cu atu ka tlangtaar ‘Cepa Pohmah’ kong ah a si. A hmaisa ah ‘Cepa Pohmah’ fianternak kan hun ngei lai.

Hlasak Thiam David Lai le Chin Digest Biaruahnak

Biruahtu: June Nilian Sang

Biaruah Ni: 16 April 2016

A hawilei nih Thawngpi tiah auhmi Chin tlangval David Lai cu Kawlram pumpi huap in hlasak zuamnak ah pakhatnak laksawng a ngahmi a si. Atu lio a cawlcanghnak, a chungkhar le amah pumpak kong ah Chin Digest nih biaruahnak kan hun ngeih.

Minfak - David Lai

Mindin - Thawngpi 

Thiamnak - Hlasak (singer)

Chuah kum - 12 December 1994

Niamsan - 5.3 inches

Chuahnak khua - Matupi

CD: Tukum Thingyang (Kawl Titoih Puai) ah hla na sa kho maw?

Buddhist Titoih Puai A Sunhsak Lomi Hna Kong

Atu lio Laimi zong nih kan hun ceih zuam ngaimi Kawlram Buddhist Titoih puai hi Kawl Buddhist zapi nih an i uar bikmi puai a si. Khat lei balte ah, anmah Kawl miphun lila chung zong in a lungtling lomi, an pumpak caah 'sullam a ngei lo' a timi, le kan hmanning hi ningcang loin a kal cang a timi an rak um ve.

Kawl Titoih Puai Ah Zeidah Kan Tuah Lai?

‘Kawl titoih’ ti rumro cu a i theih hna selaw an lungtling lo men lai. An miphun he nakin an biaknak he aa pehtlai deuhmi a si caah Kawl Khrifa hna nih cun an duh lai lo, nain a tlaangpi in kan hmanning le kan theihthiam bikning a si caah hei hmang ve ko ning.

Ralkap Nih Daw Suu A Bawi Nakding Upadi An Doh Nain...!

Nizan ah NLD nih Daw Suu caah nawlngeihnak sang ngai ah a cang dingmi rian thar khinhnak caah upadi ser dingmi a hran ‘State Counsellor Bill’ timi cu an rak chuahpi. Mah cu tuchun ah khan Amyotha Hluttaw ah an ceih i, ralkap MP pawl nih an doh colh, nain an dohmi cu a tlamtling lo.

Mipi Nih Thim Taktakmi Cozah Ni Khatnak Diary

Tuchun [31 March] cu kumpi kum 54 hnu ah mipi nih thim taktakmi cozah thar nih a voi khatnak rian an hun i awt ni a si__nizan a dihmi cozah kha cu mipi nih thimmi ti zong in ruah an rak si lo. Ni khatnak a si bantuk in a chunglei ah i ziak lonak le an rian a tlamtling lomi tampi um men ko lai. Mizapi sin ah a hung langmi thawngpang chung in zapi a kan hliphlau bikmi le uar deuhmi 'first impression' tete kan hun cuan lai.

NLD le ANP Buainak; Cepa Theory Aa Tlaihmi NLD

Atu lio NLD le Arakhine National Party (ANP) pawl buainak cu a linsa chin lengmang ko. Nizan ah Rakhine ramkulh hluttaw ah NLD nih Chief Minister an thimmi pa Pu Ngi Puh kha a min an thanh lio bak ah ANP in meeting a kaimi MP dihlak nih an chuahtak dih hna. ANP nih hin Rakhine ramkulh ah MP 22 an ngeih nain Hluttaw chairman le a bawmtu kha anmah ANP nih an tlaih caah annih pahnih cu chuah awk a tha lo i, a dang 20 tu nih cun lo diam an chuahtak hna.

A Minthang Ngai Nain A Sifakmi Rih Tidil

Chinmi nih kan i uan ngaimi le miphun dang zong nih Chinram kokek thil lak ah an hun theih khunmi cu Rih tidil hi a si ko lai. Thinlung lem cuang in amahte in aa dilmi a sinak le furpi caan ah nawi loin khuasik caan tu ah phun dang ngai in a nawimi hi khuaruahhar a sinak zawnte a si i, amah bantuk thengte hi vawlei cung hmun dang ah a um lai lo tiah ruahmi a si caah miphun dang sin ah i chuahpi ngam awk tlak a si ve. Asinain a minthanning le khuaruahhar a si tluk in hawileng a rak ngei ziar lo.

Thutden Cabuai Kong Ah Kawl Bawi Pawl Buainak

Atu lio cozah nawl ngeitu Pu Thein Sein le a minung pawl cu tu thla dih [ni 4 te lawng aa duh] cun an nawlngeihnak a dih ruangmang cang lai. Mahti an rian a dih ding a si cang caah an umnak inn pawl kha cozah budget in an sakmi quarter  a si caah an chuaktak ngawt dih cang hna. President Thein Sein lebang nih cun a umnak innpi cu tuanpi khan a rak chuahtak cang.

A Muimi Ruahchannak Tang Ah Fimnak A Kawlmi Ngakchia Hna

A luanciami kum 5 lio ah Chin ralzam 10,000 lengkai an rak i dornak India ram khualipi New Delhi ah khin a muimi ruahchannak tang ah fimnak a kawl cuahmahmi ngakchia hna tampi an um. Ngakchia cu fakpi in khua a ruat kho lomi an si nain “hmailei ah cucu khakha ka si te lai” timi tal nulepa le unau forh chom in tinhmi an ngei ngam tawn. Asinain lam laklawh ah hnu kir awk zong tha lo, hmainor nakding lam zong um lomi dirhmun ah a ummi ngakchia hna balte cu chunmang manh ngam lo, tinhmi ngeih awk tha lo tluk an si. Cu bantuk dirhmun ahcun na fale na phakpi bal hna maw?

‘Honeymoon Period’ Cu Zeidah A Si; NLD Nih Zeidah A Tuah Lai?

‘Honeymoon Period’ timi cu nupi pasal ngeimi poh nih cun ton dihmi le hman dihmi a si. Nu le va kan i umhka ahkhin caan zeimawzat tiang cu kan i dawtning a fak khun. Kan nupi pasalle nih an tuahsualmi zong khi ngaihthiam piak a fawi. An duhmi zulhpiak le an herhmi va tuahpiak te hna khi a fawi tuk. Asinain caan a hun rau ziahmah i, nu zong pa zong kan zia kan vun i theih deuh hnu cun sualnak i hmuh piak le i siiknak a ruang um lengmang.

Hohmanh Nih An Uar Lomi Vice President Pu Myint Swe Kong

Atu lio thawngpang chimceih bikmi lak ah Pu Myint Swe kong hi aa tel ve. Anih an ceihcum ning balte hi lawmhpinak le thangthatnak va chim si lem lo. A chiatnak kong chim deuh in a si. Nizan nai March 10 ah ralkap nih President aa cuh ding ah Pu Myint Swe kan chuahpi tiah an thanh cangka in Pu Myint Swe kong a rak theitu vialte ti awk tluk in an zai. Cuti a zaimi cu a bik in Yangon hrawnghrang ummi deuh khi an si fawn.

Pu Van Thio Hi Ruah Lopi In President A Si Kho

Kawlram president aa cuh dingmi hna cu phungning tein taar an si cang. An konglam cithlat cuahmah an si i, phunghram ning in President thimnak tahfung a tlinh lomi an um sual ahcun an tla than te kho.

Asinain tlak khawhnak konglam cu nizan tihni ah kan tial cang i, atutan cu a taangmi caan an i thimnak ah zeidah a cang kho timi kan hun zoh lai__an pathum ning in a tla lo ding ah hei ruat phawt ko hna usih.

Pu Henry Van Thio Cu Vice President a si taktak lai maw?

Tuchun Hluttaw tonpumhnak ah president aa cuh dingmi min cazin an hun thanhmi thawngpang nih ramchung ramleng mi vialte a kan lauter dih. 

NLD nih an thim te lai tiah mi tampi nih zumhciami pawl chung ah Pu Htin Kyaw lawng aa tel. A dang zumhmi pawl chung vialte in aho hmanh tel loin mizei hmanh nih a ruah awk kan rak hngalh lomi Chin MP Pu Henry Van Thio lehlam tu an hun thim tik ah lau lo awk a tha ve lo.

A Voi 68nk Chin Miphun Ni Ah Khuangcawimi Gloria Zing Tha Par

Interview Tuahtu: June Nilian Sang

Interview Tuah Ni: February 5, 2016

Mintling - Gloria Zing Tha Par

Mindin - Gloria

Chuah Nithla - 01-10-93

Niamsan - Pe 5.4’

Chuahnak Khua - Aizawl
Umnak Khua - Hakha

Fimcawnnak - B.A (English), B.A English CCC, ELT Mandalay, 

Huam phun – Hlangaih le Carel

February 20, 2016 ni ah Hakha khualipi ah hlunghlai taktak in tuah dingmi Chin Miphun Ni puai ah khuangcawi ding ah an thimmi cu leng dawh Gloria Zing Tha Par hi a si. A mindin ah Gloria tiah an auh. “Khuang cawi ding ka si tiah kaa theih lio ah hin ka khuaruah a har i ka lau tuk. Ka zanmang hmanh ah ka manh bal lomi a si e” tiah Gloria nih khuangcawi ding a si aa theih lio caan ah a umtuning a kan chimh.

That Deuhnak Maw Zual Chinnak Dah?- Thantlang Zuu Kong

Thangtlang Khrihfa Bu kip fonh (TCF) nih kan hnu November 17, 2015 ni an meeting biachahnak ning in “zuu laisen kan la ti lai lo” tiah an thanh. Zuu raldohnak caah Thantlang khuapi i zuu zuarnak laisen vialte cu TCF nih kum khat ah tangka sing 20 leng dih in kum fatin an rak lak tawnmi kha kum 15 hnu ah an hun thlah than hi a si.

A luanciami 1999 kum Laimi Khrifa kum 100 tlinnak Centenary puai ah biathanh an chuahmi chung ah zuu raldohnak hi aa tel. Mah ningte cun 2000 kum thawk in zuu raldoh hram an rak thawk hi a si. Harsatnak tampi lak ah kum 15 chung remruam an kal cang hnu ah, mah bantuk in kan maak cang lai tiah an hun thanh tik ah biahalnak a um khomi cu; ‘zeiruang ah dah an maak?, Laisen an thlah ruang ah Thantlang khuapi caah that lei maw a panh lai, chiat lei dah?’ timi hi an si hnga.

A Voi 67nak Chin Miphun Ni Cu Ram 16 In Hmun 58 ah An Tuah

June Nilian Sang | 2015 February 27 |

Chin miphun nih kan sunhsakmi ‘Chin Miphun Ni (CMN)’ a voi 67nak cu vawlei cung hmun kip ah a ummi Chinmi ram 13 in hmun 55 ah kan tuah ti hi The Chinland Post (TCP) nih hlathlainak a tuah khawhmi chung in kan theih khawh.

Hmun cheukhat ahcun khuacaan a that lo ruang le riantuan ni he aa ton caah tuah a duh ko nain a tuah kho lomi an um. U.S ram Kentucky ramkulh le Washington D.C khualipi ah a ummi hna nih cun CMN tuah an timh nain vur a tlami a tam tuk, khuacaan nih a pek lo caah an leet than ti a si. Cu bantuk in US thiamthiam Kansas ramkulh le a dang hmun cheukhat zong ah a kih tuk ruang ah ruahning bantuk in minung an chuak kho lo ti a si.

Na Valentine Caah Laksawng Sunglawi

February 13, 2015
Valentine Day hi nungak a ngeimi, tlangval a ngeimi hna le mino ca lawng ah kan ruah i a ngei ve lomi nih thachia in kan um sual ahcun kan i cei tuk hnga. Hi ni hi vawlei cung hmun kip in hman ciomi a si i hmanning belte aa dannak a um pah. Mi kip nih zeitin dah an hman cio, kannih nih teh zeitin dah kan hman timi zoh hlan ah Valentine Day tuanbia hi tawite in van zoh usih.

Chin Ramkulh Hluttaw Ah Hodah A Bau Lai

|17 November 2015|

A luanciami kum 2010 ah rak thimmi Chin ramkulh hluttaw MP hna cu a ralaimi 2016 January thla dih in an rian (term) a dih cang lai, thla hnih le cheu te lawng aa duh cang. November 20, 2015 khi Chin ramkulh hluttaw lakhruak tonpumhnak an tuah lai i, a donghnak a si kho men cang tiah minister Pu Ram Mang nih a chim. Mah dih cangka in tukum ah thim tharmi an thu lai i, ramkomh lei in cozah ser hram an thawk lai.

Keneh Dawhlo A Zulmi Mino Caah Hodah Tuanvo Ngei?

Pu Ngai Sak (CLD), Pu No Than Kap(CPP), Pu Zozam(CNDP)
Photo: Pu No Than Kap Facebook

Kan hnu January 12-16, 2016 tiang ni nga chung an tuahmi Kawlram remdaihnak conference cu Chinmi ca ko ah hlah maw a sunlawi khun ti awk in; kan pale nih conference chung ah zei bia dah an chim, miphun dang sin ah zei kong dah an chuahpi timi ngaingai cu fiang tein kan hngal lo. Asinain hmanthlak an hun kan taar hnawhmi pawl zoh tik ah a hlan i uico le meheh bantuk in a rak i Ralmi pawl hna an vai i tong ti kan hmuh.

Zeitik Caan Ah Dah Rih Tidil A Nawi?

Chinmi nih kokek thil sunglawi kan i ngeihmi thinlung lem cuang Rih tidil cu Falam peng Rihkhuadar khuapi, India le Kawlram ramri, ah a um. Ekah 150 tluk a kau i, a thuh biknak zawn hi pe 60 tiang a thuk tiah Rihkhuadar khuami hna nih an chim.

Kokek sinak in aa dilmi a si bantuk in chaklei in a hung luannak tihna le tlanglei ah a vung luannak vasum an um lo. Furpi cingling ruahsur caan ah pehtlai thluahmah le faakpi in ruah a sur tik ah tiva vialte an nawi i, an lian tawn. Cu lio ahcun Rih tidil cu nawi loin phun dangte in a nawi caan aa ngeih.

Pu Lal Thawm Thang he Biaruahnak

Biaruahtu: June Nilian Sang & Za Bawi Thawng |4 January 2016

TCP: Zei hlan bik ah cu hlan ah ramkhel lei na rak cawlcanghnak kong a tawi fiannak in theih kan duh ko.

LTT: Kei cu sihne zung ah riantuanmi ka rak si i, kum 39 chung lawyer officer ka tuan. Mah hlan ah khan kum 9 chung cazi ka rak tuan bal fawn. Hakha ah sihne ka tuan lio kum 2012 ah mangki rian in kaa din. Mah hlan vialte kha cozah riantuantu nih cun ramkhel rian ah luh a ngah lo caah ramkhel lei hi ka rak i tel lem lo. Ka rian in kaa dinh cangka in ramkhel ah ka lut colh i, NLD ahhin ka lut.