“Kan Phan Deng Ka Dawt”

Ka rawl ei liomi a dih laite ah khin a ka thlahtu ding ka hawi pa a hung phan. 

“Ka dua na tlai lai hi, vun i hnawh deuh” a vun ka ti ah khin suimilam ka zoh__mawtaw chuah nakding ah minute 10 lawng aa duh cang. Ka khim colh ve. 

Zeidang tuahmanh ti loin ka hawipa nih cun a mawtaw saikel (bike) in a ka phurh. Rangoon lei kalnak bus station (kaa-keih) lei ah kan tli colh. Bus aa thawhlai minute pathum aa duh ah kan phan.

Tukum Ballon D’or Caah Hodah Aa Tlak?

Kan hnu 19 October, ah khan kum 2015 chung vawleicung pumpululh chuih thiam bik laksawng Ballon D’or co kho ding tiah FIFA nih a thimmi minung 23 cazin an thanh.

Hi laksawng peknak hi a caan aa duh pah rih nain cu hlan an chuih cangmi zoh in aho dah aa tlak timi hi pumpululh chuih a zoh tawntu nihcun cuanhcia khawh a si. FIFA nih a thanhciami minung 23 chung ah a thiam bik minung pathum thim an si lai. Mah pathum chung cun a thiam bik timi pakhat kha Ballon D’or laksawng cu pek a si te lai.

Zeitik Caan Ah Dah Kan I Soisel A Herh?

Kan Laiholh hi a siifah deuh caah ‘soisel’ tiah ka hei hman ko. ‘Criticize or criticism’ khi ka chim duhmi a si i dengteo in a leh kai harh deuh caah a caan ah ‘soisel’ kan hman, a caan ah ‘doh’ ka hman.

Atu lio kan Facebook vawlei ahhin zalongte in thil sining kan tial kan chim. Zalongte in kan ruahnak kan langhter cio. Cucu Mirang nih ‘freedom of expression’ an ti maw. Zalongte in kan chim lilami cung ahcun kan chimmi he aa ralchan in midang nih zalongte in thil sining rak chim ve nak, zalongte in ruahnak rak langhter venak nawl zong kan ngei fawn. Cucu ‘freedom to disagree” an ti. Kawl nih “luat-let-sua ta-baw-ttha kuai-luai-khunh” an ti vemi khi si.

Spain Cozah Nih Messi Hrokhrol An Puhnak

Atu lio vawlei cung pumpululh chuih thiam bik ah ruahmi Lionel Messi hi a luanciami kum 2013 thawk khan Spain cozah nih ngunkhuai (tax) kong ah hrokhrol an rak puh i, atu tiang a dai kho rih lo.  Thaizing kiptuh nili ni 2 June 2016 ah khin Spain biaceih zung ah a pa he an chuak lai i, ni (4) chung bia an ceih than hna lai. 

Hi thil ruang ahhin Messi cu tangka tampi liam pin ah thong thlak tiang a tong kho. Nikum hrawng lebang kha cu Messi a ingpuang i Spain cozah ruang ah Barcelona FC in a chuak kho men tiah International media tampi nih an tial.